Meraj E Atash (Pyaas Ki Shiddat)

Meraj E Atash (Pyaas Ki Shiddat) Zindaan Ke Andhere Mein Kayi Din Aur Raat Beet Jane Ke Baad Ek Din Hazrat Imam Husain (A.S) Ki Lad...

Meraj E Atash (Pyaas Ki Shiddat)

Zindaan Ke Andhere Mein Kayi Din Aur Raat Beet Jane Ke Baad Ek Din Hazrat Imam Husain (A.S) Ki Ladli Beti Janab E Sakina (Ruquaiya) (S.A) Ne Apne Bhai Imam Zainul Abdin (A.S) Ke Paas Ja Kar Ek Sawal Kiya ?

Bhai Sajjad (A.S) Aap Imam E Waqt Hain Aur Imam E Waqt Har ILm Se Aaraasta Hota Hai Main Aap Se Ek Sawal Karti Hun Aap Mujhe Yeh Batayein Pyaas Mein Kul Kitni Manzilein Hoti Hain..?

Janab E Sakina (S.A) Ka Yeh Sawal Sunkar Janab E Zainab (S.A) Tadap Gayi Aage Badhkar Sakina (S.A) Ko God Mein Uthaya, Pyaar Kiya Aur Kaha Meri Bachchi Tu Aisa Kyon Poochhti Hai..?

Imam Sajjad (A.S) Ne Janab E Zainab (S.A) Se Kaha Phuphi Amma Sakina Ne Yeh Sawal Apne Waqt Ke Imam Se Kiya Hai Aur Mujhper Lazim Hai Ke Main Is Sawal Ka Jawab Dun !

Imam (A.S) Ne Farmaya Bahen Sakina Pyaas Ki Kul 4 Manzilein Hoti Hain
Pahli Manzil Woh Hoti Hai Jab Insan Pyasa Ho Ki Uski Aankhon Se Duwaan Duwaan Sa Dikhayi De Aur Zameen Wa Aasman Ke Beech Ka Koi Farq Mahsoos Na Ho !

Janaab E Sakina (S.A) Haan Maine Apne Bhai Qasim Ko Baba Se Kahte Suna Tha Chacha Jaan Main Itna Pyasa Hun Ke Mujhe Zameen Se Aasman Tak Sirf Dhuwaan Sa Dikhayi Deta Hai !

Imam (A.S) Ne Farmaya Pyaas Ki Doosri Manzil Hai Jab Kisi Ki Zubaan Sookh Kar Taalu Se Chipak Jaye !

Janab E Sakina (S.A) Haan Bhai Akber Ne Apni Sookhi Zubaan Baba Ke Dahen Mein Rakh Kar Bahar Nikal Li Thi Aur Kaha Tha Baba Aaapki Zubaan To Meri Zubaan Se Zyada Khushk Hai Tab Shayed Mera Baba Imam Husain (A.S) Pyaas Ki Doosri Manzil Par Tha !

Imam Ne Phir Fermaya - Pyaas Ki Teesri Manzil Woh Hai Jab Kisi Machli (Fish) Ko Paani Se Nikal Kar Ret Par Daal Diya Jata Hai Aur Woh Machli Kuch Der Tadapne Ke Baad Bilkul Saakit (Khamosh) Ho Kar Apna Muh Kholti Hai Aur Band Karti Hai!

Janab E Sakina (S.A) - Haan Mere Baba Ne Bhai Ali Asghar Ko Karbala Ki Jalti Ret Par Lita Diya Tha To Asgher Bhi Tadapne Ke Baad Saakit Sa Tha Aur Apna Muh Kholta Tha Phir Band Karta Tha Shayed Mera Bhai Ali Asgher Us Waqt Pyaas Ki Teesri Manzil Mein Tha !

Imam Ne Phir Farmaya - Pyaas Ki 4th Aur Aakhri Manzil Woh Hai Jab Insaan Ke Jism Ki Nami Bilkul Khatm Ho jati Hai Aur Uska Gosht Haddiyon (Bones) Ko Chhor Deta Hai Aur Insan Ki Maut (Death) Ho Jati Hai !

Itna Sun Kar Janab E Sakina (S.A) Ne Apne Hathon Ko Imam Zainul Abdin (A.S) Ke Aage Kiya Aur Kaha Bhai Sajjad Main Shayed Pyaas Ki Aakhri Manzil Mein Hun Dekho Mere Jism Ke Gosht Ne Haddiyon Ka Sath Chhor Diya Hai Aur Main Anqareeb Apne Baba Imam Husain (A.S) Ke Pas Jane Wali Hun !

Janab E Sakina (S.A) Ke Yeh Alfaaz Sunkar Qaid Khaane Mein Ek Kohraam Barpa Ho Gaya !

Haye Pyaasi Wa Mazloom Shahzadi Sakina (S.A)