PAIGHAMBER'E ISLAM (sawaw) KI WILAADAT By Maulana Syed Ali Naqi Naqvi Marhoom

PAIGHAMBER'E ISLAM (sawaw) KI WILAADAT Jab wafaat'e Paighamber (sawaw) ki taareekh musalmaanoN mein muttafiq alaih na rah sak...

PAIGHAMBER'E ISLAM (sawaw) KI WILAADAT


Jab wafaat'e Paighamber (sawaw) ki taareekh musalmaanoN mein muttafiq alaih na rah saki
to wilaadat ki taareekh meiN ikhtelaaf hona kaun sa ta'ajjub kheiz hai. Ghanimat yeh hai ke
maheena muttafeq alaih hai, yaani Rabiul Awwal. Magar iss mahine meiN kis din Hazrat (sawaw)
mutawalled huEy, iss baare meiN Ahle Sunnat meiN muta'added qaul haiN. Doosri, AathweeN,
DasweeN aur zyaada mashoor BaarhweeN taareekh hai. Ulemaaey Imaamia mein Kalini bhi
Baarhween ke qaael haiN, lekin zyaada tar ulemaaey Shia 17 Rabiul Awwal ko wilaadat maante
haiN. ChooNke iss firqe ka daar o madaar Ahle Baite Rasool (sawaw) par hai iss liye unka iss
taareekh par qareeban muttafiq hona iss ka pata deita hai ke Ahle Bait (as) se unko yehi ilm
haasil hua tha, aur zaahir hai ke ghar ki baat meiN ghar waaloN se zyaada kiska bayaan
moatabar samjha ja sakta hai.

Arab meiN shaher ke maahaul ko zubaan ke kharaab honEy ka zimmedaar samjha jaata haiiss
liye bachchoN ko zamaanaey reza'at hi meiN baadiya nasheen ArboN meiN bheij diya jaata tha,
jinke baarey meiN yeh amr musallam tha ke unki zubaan apni asli fasaahat par baaqi hai.
Chunaanche Hazrat (sawaw) ke liye bhi paidaaesh ke baad aisa hi intezaam kiya gaya tha,
aur qabeelaey Bani Saad ki eik khaatoon Haleema Bint'e Abdullah aapki marzeaa muqarrar
hueeN.

"Padar'e buzurgwaar ka saaya to pahle hi uth chuka tha. ^ baras ka sinn tha ke aapki waaleda
bhi duniya se rukhsat ho gaiiN. Woh aapko leikar Madeena apne maike waaloN se milne gaii theeN,
waapsi meiN beemaar hueeN aur maqaam'e Abwaa par inteqaal kiya." (Tabqaat Ibne Saad)


Baap aur maan donoN ka saaya sar se uthne ke baad Hazrat Mohammed'e mustafa (sawaw)
ki tarbiyat ke kafeel aapke jadd'e buzurgwaar janaab'e Abdul Muttalib huEy aur iss fareeze ko
ba_ehtemaam tamaam anjaam deite rahe, aisi mohabbat aur tawajjo ke saath ke jis se khud unki
aulaad bhi iss darje par bahrawar na ho saki

"Abdul Muttalib ki aaNkhein bachpan hi mein aapki azmat o jalaalat ka andaaza kar rahi thiiN.
Chunaanche unke liye jo masnad Kaba ke paas bichaai jaati thi uspar unki adam maujoodgi mein
unke sahabzaadoN mein se kisi kisi ki majaal na thi ke baith jaaey, magar Rasool (sawaw) apne
usi bachpane ke aalam meiN aate thEy to be_takalluf uss masnad par baith jaate thEy aur
Abdul Muttalib deikh leite thEy to farmaate thEy ke meire bachche ko yaheen baithne dO.
Ba_khuda iski baRi shaan hai jo zaahi hokar raheigi." ( Ibne Hesham Jild - 1 / safha 108)

Hazrat Mohammed (sawaw) ki umr 8 baras ki thi ke aapke buzurg martaba aur intehaai shafeeq
daada ka saaya bhi sar se uth gaya.
Waqt'e qafaat apne farzand Hazrat Abu Talib ko jo Paighambare Islam ke haqeeqi chacha thEy,
aapki tarbiyat ke liye waseeyat ki. HaalaaNke woh aapki aulad mein na tO sin meiN sab se
buzurg thEy aur na woh daulat mand hi thEy. Abdul Muttalib ne iss khidmat ke liye unhiN ko
muntakhab kiya. Mumkin hai iski wajah yeh ho ke Paighamber'e Islam (sawaw) ke waalid'e
buzurgwar Abdullah se unheiN intehaai mohabbat thi. Abu Talib (as) ne jis shafaqat wa
mohabbat se Rasool Allah (sawaw0 ki parwarish ki hai, woh tareekh ki eik muttafeq alaih aur
misaali haqeeqat hai. Aasaar ke mushahede se yeh amr numaayaN tha ke jaisi mohabbat
unheiN Rasool Allah se hai woh apni aulad se bhi nahiN hai.


Tareekh'e Islam / Jild 1 / Safha 40 se 44 / Maulana Syed Ali Naqi Naqvi Marhoom
Ex Dean, Shobaey Deeniyaat, Muslim University, Aligarh.


COMMENTS

Name

15 shabaan night amaal Ahadis Ahadith Ahlebayt ahlulbayt Ali naqi Allah Amaal amaal 15 shabaan ARIZA E HAJAT Articles azadari Books culture Designer Babies Dua Dua&Amaal editorial Etiquette and Timing of Lovemaking Events family fatima Zahra Feature Featured Festivals food Guidence haq e waledain Headline Health hell husain Imam Mahdi Interview Islamic laws Islamic morals Issues jannatul baqi Knowledge latest MAHILA JAGAT masumeen maula ali messages Moral Stories Mother Muharram Namaz Naqqan < Maulana Ali naqi Parents parents in islam Quran Respect for progeny of Holy Prophet(s.a.w) sakina Salat scholars Sexual Techniques shab e raat social issues society Teachings Ulema WOMEN OF PARADISE Youth Ziyarat Zuljanah
false
ltr
item
Message Of Peace: PAIGHAMBER'E ISLAM (sawaw) KI WILAADAT By Maulana Syed Ali Naqi Naqvi Marhoom
PAIGHAMBER'E ISLAM (sawaw) KI WILAADAT By Maulana Syed Ali Naqi Naqvi Marhoom
http://1.bp.blogspot.com/-Mr-wvYH946A/UpgjAQQ3B0I/AAAAAAAAE-M/ZngQpanc2-Y/s1600/348076_orig.jpg
http://1.bp.blogspot.com/-Mr-wvYH946A/UpgjAQQ3B0I/AAAAAAAAE-M/ZngQpanc2-Y/s72-c/348076_orig.jpg
Message Of Peace
http://www.alqaem.org/2013/11/paighambere-islam-sawaw-ki-wilaadat-by.html
http://www.alqaem.org/
http://www.alqaem.org/
http://www.alqaem.org/2013/11/paighambere-islam-sawaw-ki-wilaadat-by.html
true
6812577645361204691
UTF-8
Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy